Twenty people eaten by lions in Ethiopia!

Já, ljónin, vinir mínir, voru víst orðin hungruð þarna í Eþíópíu... næsta Afríkuríki austan við Kenya.

Vorum við Kenyafarar nú samt sem áður ekki í verulegri hættu í Masai Mara, og þó... hefði getað orðið svo, ef ég hefði fengið að skreppa út úr bílnum til að klappa ljónunum. Verð að viðurkenna að mig langaði svo! En var sum sé stoppuð af ferðafélögum mínum, rétt svo, þau íhuguðu nú reyndar fyrst hvort þau ættu bara að leyfa mér - taka myndir af öllu saman - selja fjölmiðlum og verða rík! En... nei, e-ð hefur þeim þótt agnar ögn vænt um velferð mína og ákváðu því að stöðva mig í þessari vitleysu - var nú líka pínu skynsöm stelpa sjálf... :)

Það var nú samt svakalega flott þegar við sáum ljónynjurnar þrjár sem voru að gera sig líklegar til að veiða saklaust impala par (sem NB voru upptekin við að gera dodo ;)... e-s urðu þau þó áskynja, enda kannski ekki furða þs bílastóðið beið spennt átekta! Án gríns voru þarna hátt á annan tug safaríbíla, fullir af forvitnum ferðalöngum aka túristum með myndavélarnar í viðbragðsstöðu! Sjáið bara hvað þær eru flottar... :)


- Get reyndar sagt ykkur það, að allir nema litla ég, voru með myndavélarnar tilbúnar... þar sem ég lenti í því óskemmtilega "óhappi" að nýja fína 1Gb minniskortið mitt (sem ég keypti í fríhöfninni á leiðinni út, spes fyrir þessa ferð)... bilaði!

Kwaheri!
Thorgerdur